Ẹkún Jeremiah 3:13-21
13
Ó fa ọkàn mí ya pẹ̀lú ọfà nínú àkọ̀ rẹ̀.
14
Mo di ẹni yẹ̀yẹ́ láàrín àwọn ènìyàn mi; wọn yẹ̀yẹ́ mi pẹ̀lú orin ní gbogbo ọjọ́.
15
Ó ti kún mi pẹ̀lú ewé kíkorò àti ìdààmú bí omi.
16
Ó ti fi òkúta kán eyín mi; ó ti tẹ̀ mí mọ́lẹ̀ nínú eruku.
17
Mo ti jìnnà sí àlàáfíà; mo ti gbàgbé ohun tí àṣeyege ń ṣe.
18
Nítorí náà mo wí pé, “Ògo mi ti lọ àti ìrètí mi nínú Olúwa.”
19
Mo ṣe ìrántí ìpọ́njú àti ìdààmú mi, ìkorò àti ìbànújẹ́.
20
Mo ṣèrántí wọn, ọkàn mi sì gbọgbẹ́ nínú mi.
21
Síbẹ̀, èyí ni mo ní ní ọkàn àti nítorí náà ní mo nírètí.
Settings