Wito wa Ibada ya Furaha

Zaburi 81:1-5

Kwa mwimbishaji. Mtindo wa gitithi. Zaburi ya Asafu. Mwimbieni kwa furaha, Mungu aliye nguvu yetu; mpigieni kelele za shangwe Mungu wa Yakobo!

Anzeni wimbo, pigeni matari, pigeni kinubi na zeze kwa sauti nzuri.

Pigeni baragumu za pembe za kondoo dume wakati wa Mwandamo wa Mwezi, na wakati wa mwezi mpevu, katika siku ya Sikukuu yetu;

hii ni amri kwa Israeli, agizo la Mungu wa Yakobo.

Aliiweka iwe kama sheria kwa Yosefu alipotoka dhidi ya Misri, huko tulikosikia lugha ambayo hatukuielewa.