Yesu Aenda Juu ya Bahari

Yohana 6:16-21

Ilipofika jioni, wanafunzi wake waliteremka kwenda baharini.

Wakaingia kwenye mashua, wakaanza kuvuka bahari kwenda Kapernaumu. Wakati huu kulikuwa tayari giza na Yesu alikuwa hajajumuika nao.

Bahari ikachafuka kwa sababu upepo mkali ulikuwa unavuma.

Wanafunzi walipokuwa wamekwenda mwendo wa karibu maili tatu au nne, walimwona Yesu akitembea juu ya maji akikaribia mashua, nao wakaogopa sana.

Lakini Yesu akawaambia, “Ni mimi. Msiogope.”

Ndipo wakamkaribisha kwa furaha ndani ya mashua, na mara wakafika ufuoni walikokuwa wakienda.