सर्व मानवजात पापाच्या अधीन

रोमकरांस ३:९-२०

९

तर मग काय? यात आम्हाला काही फायदा आहे का? मुळीच नाही! कारण आम्ही आधी यहूदी आणि गैरयहूदी सर्वजण पापाच्या सत्तेखाली आहेत असा आरोप केला आहे.

१०

असे लिहिले आहे: “कोणीही नीतिमान नाही, एकही नाही;

११

समंजस असा कोणी नाही; परमेश्वराला शोधणारा कोणी नाही.

१२

प्रत्येकजण भटकून गेले आहेत; सर्वजण निरुपयोगी झाले आहेत. सत्कर्म करणारा कोणीच नाही, एकही नाही.”

१३

“त्यांची मुखे उघड्या थडग्यासारखी आहेत” त्यांच्या जिभेने ते खोटे बोलतात. “नागाचे विष त्यांच्या ओठांवर असते.”

१४

“त्यांची मुखे तर शापाने व कडूपणाने भरलेली आहेत.”

१५

“रक्तपात करावयाला त्यांचे पाय धाव घेतात,

१६

दुःख व विध्वंस यांनी त्यांचे मार्ग ओळखले जातात,

१७

आणि शांतीचा मार्ग त्यांना माहीत नाही.”

१८

“त्यांच्या दृष्टीत परमेश्वराचे मुळीच भय नसते.”

१९

आपल्याला माहीत आहे की, जे काही नियमशास्त्र सांगते ते नियमाच्या अधीन असणार्‍यांना सांगते, यासाठी की प्रत्येक तोंड बंद होईल व सर्व जगाला परमेश्वरासमोर हिशोब द्यावा लागेल.

२०

नियमशास्त्राप्रमाणे कृती करणारी कोणीही व्यक्ती परमेश्वरासमोर नीतिमान म्हणून घोषित केली जाणार नाही; आपल्या पापांची जाणीव आपणाला नियमशास्त्रामुळे होते.

सर्व मानवजात पापाच्या अधीन

Reading Style

Typeface

Font Size 19px

Reading Width 45 chars

Options