देव आपल्या कराराचे स्मरण करतो

स्तोत्रसंहिता १०५:७-१५

७

कारण याहवेह आमचे परमेश्वर आहेत. त्यांचे न्याय सर्व पृथ्वीवर आहेत.

८

जी अभिवचने त्यांनी हजारो पिढ्यांना दिली होती, ते आपला करार सर्वदा स्मरणात ठेवतात.

९

हा करार त्यांनी अब्राहामाशी केला, आणि इसहाकाशी शपथ वाहिली,

१०

आणि त्यांनी याकोबासाठी नियम व इस्राएलसाठी सदासर्वकाळचा करार या रूपाने कायम केला:

११

“मी तुम्हाला कनान देश तुमचे वतन म्हणून देईन.”

१२

त्यावेळी इस्राएली लोक अगदी मोजके होते निश्चितच थोडे, वचनदत्त देशात ते परके होते.

१३

ते एका देशातून दुसर्‍या देशात, एका राज्यातून दुसर्‍या राज्यात भटकत असताना,

१४

याहवेहने कोणा मनुष्याला त्यांच्यावर जुलूम करू दिला नाही; त्यांच्याकरिता त्यांनी राजांना दटाविले:

१५

“माझ्या अभिषिक्तांना स्पर्श करू नका; माझ्या संदेष्ट्यांना इजा करू नका.”