इय्योब ३८:१-७

१

मग याहवेह वादळातून इय्योबाशी बोलले, ते म्हणाले:

२

“हा कोण आहे जो अज्ञानी शब्दांनी माझ्या योजना अस्पष्ट करतो?

३

पुरुषाप्रमाणे आपली कंबर कसून घे; मी तुला प्रश्न विचारेन, आणि तू मला उत्तर देशील.

४

“मी पृथ्वीचा पाया घातला तेव्हा तू कुठे होतास? तुला समजत असेल तर सांग.

५

तिचे आकारमान कोणी आखले? खचित तुला ठाऊक असणार! तिच्यावर मापनसूत्र कोणी ताणले?

६

तिचे पाये कशावर रोवले आहे, किंवा तिची कोनशिला कोणी बसवली—

७

जेव्हा प्रभात तार्‍यांनी एकत्र गाणी गाईली आणि सर्व देवदूतांनी हर्षनाद केला तेव्हा तू कुठे होता?