एलीहू ईयोबला विनंती करतो
१
“परंतु आता हे इय्योबा, माझे शब्द ऐक; मी जे बोलणार आहे त्या सर्वाकडे लक्ष दे.
२
मी बोलायला माझे मुख उघडत आहे; माझे शब्द माझ्या जिभेच्या टोकावर आहेत.
३
माझे शब्द सरळ हृदयातून येतात; माझे ओठ जे मला माहीत आहे तेच खरेपणाने बोलतील.
४
परमेश्वराच्या आत्म्याने मला घडविले आहे; आणि सर्वसमर्थाचा श्वास मला जीवन देतो.
५
तुला उत्तर देता येत असेल, तर मला उत्तर दे; ऊठ आणि तुझा खटला माझ्यासमोर चालव.
६
परमेश्वरासमोर जसा तू, तसा मीही आहे; मी सुद्धा मातीचा घडविलेला आहे.
७
माझे भय बाळगण्याची तुला गरज नाही, किंवा माझा हात तुझ्यावर भारी नसो.
बायबल पाठ: Biblica® Open Marathi Contemporary Version™, © 1978, 1982, 2008, 2022, 2024 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.