इय्योब ३०:२५-३१

२५

संकटात असलेल्यांसाठी मी रडलो नाही काय? गरिबांसाठी माझा जीव खिन्न झाला नाही काय?

२६

तरीही मी जेव्हा चांगल्याची अपेक्षा केली, पण वाईटच मिळाले; आणि मी प्रकाशाची वाट पाहिली, पण अंधकार आला.

२७

माझ्या आतील व्याकुळतेचे मंथन थांबत नाही; क्लेशाचे दिवस माझ्याशी सामना करतात.

२८

मी काळवंडून जात आहे, पण तो उन्हाने नव्हे; मी सभेत उभा राहून मदतीची याचना करतो.

२९

मी कोल्ह्यांचा भाऊ, आणि घुबडाचा सोबती असा झालो आहे.

३०

माझी त्वचा काळी पडून ती सोलून निघत आहे; माझे शरीर तापाने फणफणत आहे.

३१

माझी वीणा रडण्याचे, आणि माझा पावा शोकाचे स्वर काढते.