ईयोब देवाच्या कृपेचे दिवस आठवतो
१
इय्योब आपला वाद पुढे चालवून म्हणाला:
२
“माझे गेलेले महिने, ज्यामध्ये परमेश्वराची नजर माझ्यावर होती, त्या दिवसांची मला खूप आस आहे,
३
जेव्हा त्यांचा प्रकाशदीप माझ्या मस्तकावर पडत असे मग अंधारातही त्यांच्याच प्रकाशात मी चालत असे!
४
माझ्या उत्कृष्ट दिवसात, जेव्हा माझे घराणे परमेश्वराच्या जिव्हाळ्याच्या संगतीने आशीर्वादित होते,
५
जेव्हा सर्वसमर्थाची साथ अजूनही माझ्याबरोबर होती आणि माझी मुलेबाळे माझ्याभोवती होती,
६
जेव्हा माझी वाट लोण्याने भिजली जात असे आणि खडक माझ्यासाठी जैतुनाच्या तेलाचे झरे ओतून देत असे.
बायबल पाठ: Biblica® Open Marathi Contemporary Version™, © 1978, 1982, 2008, 2022, 2024 Biblica, Inc. · CC BY-SA 4.0“Biblica” is a trademark registered in the United States Patent and Trademark Office by Biblica, Inc., used with permission.