സെരുബ്ബാബേലിനോടുകൂടെ മടങ്ങിവന്ന പുരോഹിതന്മാരും ലേവ്യരും

നെഹെമ്യാവ് 12:1-9

ശെയൽതീയേലിന്റെ മകനായ സെരുബ്ബാബേലിനോടും യേശുവയോടുംകൂടെ വന്ന പുരോഹിതന്മാരും ലേവ്യരും ആവിതു:

സെരായാവു, യിരെമ്യാവു, എസ്രാ, അമൎയ്യാവു,

മല്ലൂക്, ഹത്തൂശ്, ശെഖന്യാവു, രെഹൂം,

മെരേമോത്ത്, ഇദ്ദോ, ഗിന്നെഥോയി,

അബ്ബീയാവു, മീയാമീൻ; മയദ്യാവു, ബില്ഗാ,

ശെമയ്യാവു, യോയാരീബ്, യെദായാവു,

സല്ലൂ, ആമോക്, ഹില്ക്കീയാവു, യെദായാവു. ഇവർ യേശുവയുടെ കാലത്തു പുരോഹിതന്മാരുടെയും തങ്ങളുടെ സഹോദരന്മാരുടെയും തലവന്മാർ ആയിരുന്നു.

ലേവ്യരോ യേശുവ, ബിന്നൂവി, കദ്മീയേൽ, ശേരെബ്യാവു, യെഹൂദാ എന്നിവരും സ്തോത്രഗാനനായകനായ മത്ഥന്യാവും സഹോദരന്മാരും.

അവരുടെ സഹോദരന്മാരായ ബക്ക്ബൂക്ക്യാവും ഉന്നോവും അവൎക്കു സഹകാരികളായി ശുശ്രൂഷിച്ചുനിന്നു.