TRV
צְפַנְיָה ג׳:א׳-ז׳
א׳
¶ הוי מראה ונגאלה העיר היונה׃
ב׳
לא שמעה בקול לא לקחה מוסר ביהוה לא בטחה אל אלהיה לא קרבה׃
ג׳
שריה בקרבה אריות שאגים שפטיה זאבי ערב לא גרמו לבקר׃
ד׳
נביאיה פחזים אנשי בגדות כהניה חללו קדש חמסו תורה׃
ה׳
יהוה צדיק בקרבה לא יעשה עולה בבקר בבקר משפטו יתן לאור לא נעדר ולא יודע עול בשת׃
ו׳
הכרתי גוים נשמו פנותם החרבתי חוצותם מבלי עובר נצדו עריהם מבלי איש מאין יושב׃
ז׳
אמרתי אך תיראי אותי תקחי מוסר ולא יכרת מעונה כל אשר פקדתי עליה אכן השכימו השחיתו כל עלילותם׃
Settings