שינוי קוסמי ומלכות ה' על הכול

זְכַרְיָה י״ד:ו׳-י״א

ו׳

והיה ביום ההוא לא יהיה אור יקרות יקפאון׃

ז׳

והיה יום אחד הוא יודע ליהוה לא יום ולא לילה והיה לעת ערב יהיה אור׃

ח׳

והיה ביום ההוא יצאו מים חיים מירושלם חצים אל הים הקדמוני וחצים אל הים האחרון בקיץ ובחרף יהיה׃

ט׳

והיה יהוה למלך על כל הארץ ביום ההוא יהיה יהוה אחד ושמו אחד׃

י׳

יסוב כל הארץ כערבה מגבע לרמון נגב ירושלם וראמה וישבה תחתיה למשער בנימן עד מקום שער הראשון עד שער הפנים ומגדל חננאל עד יקבי המלך׃

י״א

וישבו בה וחרם לא יהיה עוד וישבה ירושלם לבטח׃