רוּת ד׳:י״ג-כ״ב

י״ג

ויקח בעז את רות ותהי לו לאשה ויבא אליה ויתן יהוה לה הריון ותלד בן׃

י״ד

ותאמרנה הנשים אל נעמי ברוך יהוה אשר לא השבית לך גאל היום ויקרא שמו בישראל׃

ט״ו

והיה לך למשיב נפש ולכלכל את שיבתך כי כלתך אשר אהבתך ילדתו אשר היא טובה לך משבעה בנים׃

ט״ז

ותקח נעמי את הילד ותשתהו בחיקה ותהי לו לאמנת׃

י״ז

ותקראנה לו השכנות שם לאמר ילד בן לנעמי ותקראנה שמו עובד הוא אבי ישי אבי דוד׃

י״ח

ואלה תולדות פרץ פרץ הוליד את חצרון׃

י״ט

וחצרון הוליד את רם ורם הוליד את עמינדב׃

כ׳

ועמינדב הוליד את נחשון ונחשון הוליד את שלמה׃

כ״א

ושלמון הוליד את בעז ובעז הוליד את עובד׃

כ״ב

ועבד הוליד את ישי וישי הוליד את דוד׃