חזוֹן יוֹחָנָן י״ב:ז׳-י״ב

ז׳

ותהי מלחמה בשמים מיכאל ומלאכיו נלחמים בתנין והתנין נלחם ומלאכיו׃

ח׳

ולא התחזקו וגם מקומם לא נמצא עוד בשמים׃

ט׳

ויוטל התנין הגדול הנחש הקדמוני אשר נקרא שמו מלשין ושטן המדיח תבל כלה הוא הוטל ארצה ומלאכיו עמו הוטלו׃

י׳

ואשמע קול גדול בשמים ויאמר עתה באה ישועת אלהינו ועזו ומלכותו וממשלת משיחו כי הורד שוטן אחינו העמד לשטנם לפני אלהינו יומם ולילה׃

י״א

והם נצחהו למען דם השה ולמען דבר עדותם ולא אהבו את נפשם עד למות׃

י״ב

רנו על זאת שמים ושכניהם אוי לישבי ארץ וים כי ירד אליכם המלשין בחמה גדולה מדעתו כי קצרה עתו׃