תְהִלִּים ע״ב:ד׳-י״ד

ד׳

ישפט עניי עם יושיע לבני אביון וידכא עושק׃

ה׳

ייראוך עם שמש ולפני ירח דור דורים׃

ו׳

ירד כמטר על גז כרביבים זרזיף ארץ׃

ז׳

יפרח בימיו צדיק ורב שלום עד בלי ירח׃

ח׳

וירד מים עד ים ומנהר עד אפסי ארץ׃

ט׳

לפניו יכרעו ציים ואיביו עפר ילחכו׃

י׳

מלכי תרשיש ואיים מנחה ישיבו מלכי שבא וסבא אשכר יקריבו׃

י״א

וישתחוו לו כל מלכים כל גוים יעבדוהו׃

י״ב

כי יציל אביון משוע ועני ואין עזר לו׃

י״ג

יחס על דל ואביון ונפשות אביונים יושיע׃

י״ד

מתוך ומחמס יגאל נפשם וייקר דמם בעיניו׃