שבח לכבוד המלך ולעוצמתו

תְהִלִּים מ״ה:ב׳-ט׳

ב׳

יפיפית מבני אדם הוצק חן בשפתותיך על כן ברכך אלהים לעולם׃

ג׳

חגור חרבך על ירך גבור הודך והדרך׃

ד׳

והדרך צלח רכב על דבר אמת וענוה צדק ותורך נוראות ימינך׃

ה׳

חציך שנונים עמים תחתיך יפלו בלב אויבי המלך׃

ו׳

כסאך אלהים עולם ועד שבט מישר שבט מלכותך׃

ז׳

אהבת צדק ותשנא רשע על כן משחך אלהים אלהיך שמן ששון מחבריך׃

ח׳

מר ואהלות קציעות כל בגדתיך מן היכלי שן מני שמחוך׃

ט׳

בנות מלכים ביקרותיך נצבה שגל לימינך בכתם אופיר׃