זכירת הצלת האל בעבר

תְהִלִּים מ״ד:א׳-ח׳

א׳

¶ למנצח לבני קרח משכיל אלהים באזנינו שמענו אבותינו ספרו לנו פעל פעלת בימיהם בימי קדם׃

ב׳

אתה ידך גוים הורשת ותטעם תרע לאמים ותשלחם׃

ג׳

כי לא בחרבם ירשו ארץ וזרועם לא הושיעה למו כי ימינך וזרועך ואור פניך כי רציתם׃

ד׳

אתה הוא מלכי אלהים צוה ישועות יעקב׃

ה׳

בך צרינו ננגח בשמך נבוס קמינו׃

ו׳

כי לא בקשתי אבטח וחרבי לא תושיעני׃

ז׳

כי הושעתנו מצרינו ומשנאינו הבישות׃

ח׳

באלהים הללנו כל היום ושמך לעולם נודה סלה׃