ביטחונם ופרנסתם של הצדיקים

תְהִלִּים ל״ז:כ״א-ל״ג

כ״א

לוה רשע ולא ישלם וצדיק חונן ונותן׃

כ״ב

כי מברכיו יירשו ארץ ומקלליו יכרתו׃

כ״ג

מיהוה מצעדי גבר כוננו ודרכו יחפץ׃

כ״ד

כי יפל לא יוטל כי יהוה סומך ידו׃

כ״ה

נער הייתי גם זקנתי ולא ראיתי צדיק נעזב וזרעו מבקש לחם׃

כ״ו

כל היום חונן ומלוה וזרעו לברכה׃

כ״ז

סור מרע ועשה טוב ושכן לעולם׃

כ״ח

כי יהוה אהב משפט ולא יעזב את חסידיו לעולם נשמרו וזרע רשעים נכרת׃

כ״ט

צדיקים יירשו ארץ וישכנו לעד עליה׃

ל׳

פי צדיק יהגה חכמה ולשונו תדבר משפט׃

ל״א

תורת אלהיו בלבו לא תמעד אשריו׃

ל״ב

צופה רשע לצדיק ומבקש להמיתו׃

ל״ג

יהוה לא יעזבנו בידו ולא ירשיענו בהשפטו׃