תְהִלִּים ל״ה:ד׳-י״ב

ד׳

יבשו ויכלמו מבקשי נפשי יסגו אחור ויחפרו חשבי רעתי׃

ה׳

יהיו כמץ לפני רוח ומלאך יהוה דוחה׃

ו׳

יהי דרכם חשך וחלקלקות ומלאך יהוה רדפם׃

ז׳

כי חנם טמנו לי שחת רשתם חנם חפרו לנפשי׃

ח׳

תבואהו שואה לא ידע ורשתו אשר טמן תלכדו בשואה יפל בה׃

ט׳

ונפשי תגיל ביהוה תשיש בישועתו׃

י׳

כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃

י״א

יקומון עדי חמס אשר לא ידעתי ישאלוני׃

י״ב

ישלמוני רעה תחת טובה שכול לנפשי׃