TRV
תְהִלִּים ל״ה:א׳-י׳
א׳
¶ לדוד ריבה יהוה את יריבי לחם את לחמי׃
ב׳
החזק מגן וצנה וקומה בעזרתי׃
ג׳
והרק חנית וסגר לקראת רדפי אמר לנפשי ישעתך אני׃
ד׳
יבשו ויכלמו מבקשי נפשי יסגו אחור ויחפרו חשבי רעתי׃
ה׳
יהיו כמץ לפני רוח ומלאך יהוה דוחה׃
ו׳
יהי דרכם חשך וחלקלקות ומלאך יהוה רדפם׃
ז׳
כי חנם טמנו לי שחת רשתם חנם חפרו לנפשי׃
ח׳
תבואהו שואה לא ידע ורשתו אשר טמן תלכדו בשואה יפל בה׃
ט׳
ונפשי תגיל ביהוה תשיש בישועתו׃
י׳
כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃
Settings