תְהִלִּים ק״ט:כ׳-ל״א

כ׳

זאת פעלת שטני מאת יהוה והדברים רע על נפשי׃

כ״א

ואתה יהוה אדני עשה אתי למען שמך כי טוב חסדך הצילני׃

כ״ב

כי עני ואביון אנכי ולבי חלל בקרבי׃

כ״ג

כצל כנטותו נהלכתי ננערתי כארבה׃

כ״ד

ברכי כשלו מצום ובשרי כחש משמן׃

כ״ה

ואני הייתי חרפה להם יראוני יניעון ראשם׃

כ״ו

עזרני יהוה אלהי הושיעני כחסדך׃

כ״ז

וידעו כי ידך זאת אתה יהוה עשיתה׃

כ״ח

יקללו המה ואתה תברך קמו ויבשו ועבדך ישמח׃

כ״ט

ילבשו שוטני כלמה ויעטו כמעיל בשתם׃

ל׳

אודה יהוה מאד בפי ובתוך רבים אהללנו׃

ל״א

כי יעמד לימין אביון להושיע משפטי נפשו׃