תְהִלִּים ק״ו:כ״ז-ל״ח

כ״ז

ולהפיל זרעם בגוים ולזרותם בארצות׃

כ״ח

ויצמדו לבעל פעור ויאכלו זבחי מתים׃

כ״ט

ויכעיסו במעלליהם ותפרץ בם מגפה׃

ל׳

ויעמד פינחס ויפלל ותעצר המגפה׃

ל״א

ותחשב לו לצדקה לדר ודר עד עולם׃

ל״ב

ויקציפו על מי מריבה וירע למשה בעבורם׃

ל״ג

כי המרו את רוחו ויבטא בשפתיו׃

ל״ד

לא השמידו את העמים אשר אמר יהוה להם׃

ל״ה

ויתערבו בגוים וילמדו מעשיהם׃

ל״ו

ויעבדו את עצביהם ויהיו להם למוקש׃

ל״ז

ויזבחו את בניהם ואת בנותיהם לשדים׃

ל״ח

וישפכו דם נקי דם בניהם ובנותיהם אשר זבחו לעצבי כנען ותחנף הארץ בדמים׃