TRV
מִשְׁלֵי כ״ח:י״ט-כ״ח
י״ט
עבד אדמתו ישבע לחם ומרדף רקים ישבע ריש׃
כ׳
איש אמונות רב ברכות ואץ להעשיר לא ינקה׃
כ״א
הכר פנים לא טוב ועל פת לחם יפשע גבר׃
כ״ב
נבהל להון איש רע עין ולא ידע כי חסר יבאנו׃
כ״ג
מוכיח אדם אחרי חן ימצא ממחליק לשון׃
כ״ד
גוזל אביו ואמו ואמר אין פשע חבר הוא לאיש משחית׃
כ״ה
רחב נפש יגרה מדון ובוטח על יהוה ידשן׃
כ״ו
בוטח בלבו הוא כסיל והולך בחכמה הוא ימלט׃
כ״ז
נותן לרש אין מחסור ומעלים עיניו רב מארות׃
כ״ח
בקום רשעים יסתר אדם ובאבדם ירבו צדיקים׃
Settings