משפט, תוצאות ועושר

מִשְׁלֵי כ״א:י׳-י״ט

י׳

נפש רשע אותה רע לא יחן בעיניו רעהו׃

י״א

בענש לץ יחכם פתי ובהשכיל לחכם יקח דעת׃

י״ב

משכיל צדיק לבית רשע מסלף רשעים לרע׃

י״ג

אטם אזנו מזעקת דל גם הוא יקרא ולא יענה׃

י״ד

מתן בסתר יכפה אף ושחד בחק חמה עזה׃

ט״ו

שמחה לצדיק עשות משפט ומחתה לפעלי און׃

ט״ז

אדם תועה מדרך השכל בקהל רפאים ינוח׃

י״ז

איש מחסור אהב שמחה אהב יין ושמן לא יעשיר׃

י״ח

כפר לצדיק רשע ותחת ישרים בוגד׃

י״ט

טוב שבת בארץ מדבר מאשת מדונים וכעס׃