תפקידי המְרָרִים ומפקדם

בְּמִדְבַּר ד׳:כ״ט-ל״ג

כ״ט

בני מררי למשפחתם לבית אבתם תפקד אתם׃

ל׳

מבן שלשים שנה ומעלה ועד בן חמשים שנה תפקדם כל הבא לצבא לעבד את עבדת אהל מועד׃

ל״א

וזאת משמרת משאם לכל עבדתם באהל מועד קרשי המשכן ובריחיו ועמודיו ואדניו׃

ל״ב

ועמודי החצר סביב ואדניהם ויתדתם ומיתריהם לכל כליהם ולכל עבדתם ובשמת תפקדו את כלי משמרת משאם׃

ל״ג

זאת עבדת משפחת בני מררי לכל עבדתם באהל מועד ביד איתמר בן אהרן הכהן׃

קרא פרק מלא ד׳

Reading Style

Typeface

Font Size 19px

Reading Width 45 chars

Options