ערי הלויים ומגרשיהן

בְּמִדְבַּר ל״ה:א׳-ח׳

ערי הלויים ומגרשיהן

א׳

¶ וידבר יהוה אל משה בערבת מואב על ירדן ירחו לאמר׃

ב׳

צו את בני ישראל ונתנו ללוים מנחלת אחזתם ערים לשבת ומגרש לערים סביבתיהם תתנו ללוים׃

ג׳

והיו הערים להם לשבת ומגרשיהם יהיו לבהמתם ולרכשם ולכל חיתם׃

ד׳

ומגרשי הערים אשר תתנו ללוים מקיר העיר וחוצה אלף אמה סביב׃

ה׳

ומדתם מחוץ לעיר את פאת קדמה אלפים באמה ואת פאת נגב אלפים באמה ואת פאת ים אלפים באמה ואת פאת צפון אלפים באמה והעיר בתוך זה יהיה להם מגרשי הערים׃

ו׳

ואת הערים אשר תתנו ללוים את שש ערי המקלט אשר תתנו לנס שמה הרצח ועליהם תתנו ארבעים ושתים עיר׃

ז׳

כל הערים אשר תתנו ללוים ארבעים ושמנה עיר אתהן ואת מגרשיהן׃

ח׳

והערים אשר תתנו מאחזת בני ישראל מאת הרב תרבו ומאת המעט תמעיטו איש כפי נחלתו אשר ינחלו יתן מעריו ללוים׃

קרא פרק מלא ל״ה

לימוד הקטע

פירוש על הקטע כולו, לא על פסוק בודד

היכן עוד הכתוב אומר זאת

בְּמִדְבַּר כ״ו:נ״ד
לרב תרבה נחלתו ולמעט תמעיט נחלתו איש לפי פקדיו יתן נחלתו׃
מפסוק ח׳
בְּמִדְבַּר ל״ג:נ״ד
והתנחלתם את הארץ בגורל למשפחתיכם לרב תרבו את נחלתו ולמעט תמעיט את נחלתו אל אשר יצא לו שמה הגורל לו יהיה למטות אבתיכם תתנחלו׃
מפסוק ח׳
יְהוֹשֻעַ י״ד:ג׳
כי נתן משה נחלת שני המטות וחצי המטה מעבר לירדן וללוים לא נתן נחלה בתוכם׃
מפסוק ב׳
יְהוֹשֻעַ י״ד:ד׳
כי היו בני יוסף שני מטות מנשה ואפרים ולא נתנו חלק ללוים בארץ כי אם ערים לשבת ומגרשיהם למקניהם ולקנינם׃
מפסוק ב׳
יְהוֹשֻעַ כ״א:ג׳
ויתנו בני ישראל ללוים מנחלתם אל פי יהוה את הערים האלה ואת מגרשיהן׃
מפסוק ו׳
יְהוֹשֻעַ כ״א:י״ג
ולבני אהרן הכהן נתנו את עיר מקלט הרצח את חברון ואת מגרשה ואת לבנה ואת מגרשה׃
מפסוק ו׳
בְּמִדְבַּר כ״ב:א׳
¶ ויסעו בני ישראל ויחנו בערבות מואב מעבר לירדן ירחו׃
מפסוק א׳
יְחֶזְקֵאל מ״ח:ח׳
ועל גבול יהודה מפאת קדים עד פאת ימה תהיה התרומה אשר תרימו חמשה ועשרים אלף רחב וארך כאחד החלקים מפאת קדימה עד פאת ימה והיה המקדש בתוכו׃
מפסוק ב׳
יְהוֹשֻעַ כ״א:מ״ב
תהיינה הערים האלה עיר עיר ומגרשיה סביבתיה כן לכל הערים האלה׃
מפסוק ב׳
יְהוֹשֻעַ כ״א:כ״א
ויתנו להם את עיר מקלט הרצח את שכם ואת מגרשה בהר אפרים ואת גזר ואת מגרשה׃
מפסוק ו׳
יְהוֹשֻעַ כ״א:כ״ז
ולבני גרשון ממשפחת הלוים מחצי מטה מנשה את עיר מקלט הרצח את גלון בבשן ואת מגרשה ואת בעשתרה ואת מגרשה ערים שתים׃
מפסוק ו׳
יְהוֹשֻעַ כ״א:ל״ב
וממטה נפתלי את עיר מקלט הרצח את קדש בגליל ואת מגרשה ואת חמת דאר ואת מגרשה ואת קרתן ואת מגרשה ערים שלש׃
מפסוק ו׳

ערי הלויים ומגרשיהן

ערי הלויים ומגרשיהן

לימוד הקטע

בְּמִדְבַּר כ״ו:נ״ד

בְּמִדְבַּר ל״ג:נ״ד

יְהוֹשֻעַ י״ד:ג׳

יְהוֹשֻעַ י״ד:ד׳

יְהוֹשֻעַ כ״א:ג׳

יְהוֹשֻעַ כ״א:י״ג

בְּמִדְבַּר כ״ב:א׳

יְחֶזְקֵאל מ״ח:ח׳

יְהוֹשֻעַ כ״א:מ״ב

יְהוֹשֻעַ כ״א:כ״א

יְהוֹשֻעַ כ״א:כ״ז

יְהוֹשֻעַ כ״א:ל״ב

Reading Style

Typeface

Font Size 19px

Options