בְּמִדְבַּר כ״ב:ו׳-י״א

ו׳

ועתה לכה נא ארה לי את העם הזה כי עצום הוא ממני אולי אוכל נכה בו ואגרשנו מן הארץ כי ידעתי את אשר תברך מברך ואשר תאר יואר׃

ז׳

וילכו זקני מואב וזקני מדין וקסמים בידם ויבאו אל בלעם וידברו אליו דברי בלק׃

ח׳

ויאמר אליהם לינו פה הלילה והשבתי אתכם דבר כאשר ידבר יהוה אלי וישבו שרי מואב עם בלעם׃

ט׳

ויבא אלהים אל בלעם ויאמר מי האנשים האלה עמך׃

י׳

ויאמר בלעם אל האלהים בלק בן צפר מלך מואב שלח אלי׃

י״א

הנה העם היצא ממצרים ויכס את עין הארץ עתה לכה קבה לי אתו אולי אוכל להלחם בו וגרשתיו׃