TRV
בְּמִדְבַּר כ״ב:ט״ו-כ״א
ט״ו
ויסף עוד בלק שלח שרים רבים ונכבדים מאלה׃
ט״ז
ויבאו אל בלעם ויאמרו לו כה אמר בלק בן צפור אל נא תמנע מהלך אלי׃
י״ז
כי כבד אכבדך מאד וכל אשר תאמר אלי אעשה ולכה נא קבה לי את העם הזה׃
י״ח
ויען בלעם ויאמר אל עבדי בלק אם יתן לי בלק מלא ביתו כסף וזהב לא אוכל לעבר את פי יהוה אלהי לעשות קטנה או גדולה׃
י״ט
ועתה שבו נא בזה גם אתם הלילה ואדעה מה יסף יהוה דבר עמי׃
כ׳
ויבא אלהים אל בלעם לילה ויאמר לו אם לקרא לך באו האנשים קום לך אתם ואך את הדבר אשר אדבר אליך אתו תעשה׃
כ״א
ויקם בלעם בבקר ויחבש את אתנו וילך עם שרי מואב׃
Settings