בְּמִדְבַּר כ״א:כ״ח-ל״ה
כ״ח
כי אש יצאה מחשבון להבה מקרית סיחן אכלה ער מואב בעלי במות ארנן׃
כ״ט
אוי לך מואב אבדת עם כמוש נתן בניו פליטם ובנתיו בשבית למלך אמרי סיחון׃
ל׳
ונירם אבד חשבון עד דיבון ונשים עד נפח אשר עד מידבא׃
ל״א
וישב ישראל בארץ האמרי׃
ל״ב
וישלח משה לרגל את יעזר וילכדו בנתיה ויירש את האמרי אשר שם׃
ל״ג
ויפנו ויעלו דרך הבשן ויצא עוג מלך הבשן לקראתם הוא וכל עמו למלחמה אדרעי׃
ל״ד
ויאמר יהוה אל משה אל תירא אתו כי בידך נתתי אתו ואת כל עמו ואת ארצו ועשית לו כאשר עשית לסיחן מלך האמרי אשר יושב בחשבון׃
ל״ה
ויכו אתו ואת בניו ואת כל עמו עד בלתי השאיר לו שריד ויירשו את ארצו׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל