טוהר הנישואין והלשון

נחמיה י״ג:כ״ג-כ״ט

כ״ג

גם בימים ההם ראיתי את היהודים השיבו נשים אשדודיות עמוניות מואביות׃

כ״ד

ובניהם חצי מדבר אשדודית ואינם מכירים לדבר יהודית וכלשון עם ועם׃

כ״ה

ואריב עמם ואקללם ואכה מהם אנשים ואמרטם ואשביעם באלהים אם תתנו בנתיכם לבניהם ואם תשאו מבנתיהם לבניכם ולכם׃

כ״ו

הלוא על אלה חטא שלמה מלך ישראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישראל גם אותו החטיאו הנשים הנכריות׃

כ״ז

ולכם הנשמע לעשת את כל הרעה הגדולה הזאת למעל באלהינו להשיב נשים נכריות׃

כ״ח

ומבני יוידע בן אלישיב הכהן הגדול חתן לסנבלט החרני ואבריחהו מעלי׃

כ״ט

זכרה להם אלהי על גאלי הכהנה וברית הכהנה והלוים׃