משפט על עושק
ט׳
קול יהוה לעיר יקרא ותושיה יראה שמך שמעו מטה ומי יעדה׃
י׳
עוד האש בית רשע אצרות רשע ואיפת רזון זעומה׃
י״א
האזכה במאזני רשע ובכיס אבני מרמה׃
י״ב
אשר עשיריה מלאו חמס וישביה דברו שקר ולשונם רמיה בפיהם׃
י״ג
וגם אני החליתי הכותך השמם על חטאתך׃
י״ד
אתה תאכל ולא תשבע וישחך בקרבך ותסג ולא תפליט ואשר תפלט לחרב אתן׃
ט״ו
אתה תזרע ולא תקצור אתה תדרך זית ולא תסוך שמן ותירוש ולא תשתה יין׃
ט״ז
וישתמר חקות עמרי וכל מעשה בית אחאב ותלכו במעצותם למען תתי אתך לשמה וישביה לשרקה וחרפת עמי תשאו׃
נוסח המקרא: Hebrew Bible: the Masoretic text, unpointed (Old Testament); Franz Delitzsch's Hebrew translation (New Testament) · נחלת הכלל