ה׳ מטהר את ישראל ושופט את הגויים

מִיכָה ה׳:י׳-ט״ו

י׳

והיה ביום ההוא נאם יהוה והכרתי סוסיך מקרבך והאבדתי מרכבתיך׃

י״א

והכרתי ערי ארצך והרסתי כל מבצריך׃

י״ב

והכרתי כשפים מידך ומעוננים לא יהיו לך׃

י״ג

והכרתי פסיליך ומצבותיך מקרבך ולא תשתחוה עוד למעשה ידיך׃

י״ד

ונתשתי אשיריך מקרבך והשמדתי עריך׃

ט״ו

ועשיתי באף ובחמה נקם את הגוים אשר לא שמעו׃

קרא פרק מלא ה׳

Reading Style

Typeface

Font Size 19px

Reading Width 45 chars

Options