אוצרות בשמים

מתיו ו׳:י״ט-כ״ד

י״ט

אל תאצרו לכם אוצרות בארץ אשר יאכלום שם סס ורקב וגנבים יחתרו שם וגנבו׃

כ׳

אבל תאצרו לכם אוצרות בשמים אשר סס ורקב לא יאכלום שם וגנבים לא יחתרו שם ולא יגנבו׃

כ״א

כי במקום אשר אוצרכם בו שם יהיה גם לבבכם׃

כ״ב

נר הגוף הוא העין ואם עינך היא תמימה כל גופך יאור׃

כ״ג

ואם עינך רעה כל גופך יחשך והנה אם יחשך האור אשר בקרבך מה רב החשך׃

כ״ד

לא יוכל איש לעבד שני אדנים כי אם ישנא את האחד ויאהב את האחר או ידבק באחד ויבזה את האחר לא תוכלו עבוד את האלהים ואת הממון׃