מתיו כ״ג:א׳-ז׳

א׳

¶ אז ידבר ישוע אל המון העם ואל תלמידיו לאמר׃

ב׳

על כסא משה ישבו הסופרים והפרושים׃

ג׳

לכן כל אשר יאמרו לכם תשמרו לעשות אך כמעשיהם לא תעשו כי אמרים הם ואינם עשים׃

ד׳

כי אסרים משאת כבדים ועמסים על שכם האנשים ולא יאבו להניעם אף באצבעם׃

ה׳

ועשים את כל מעשיהם להראות בהם לבני אדם כי מרחיבים את תפליהם ומגדילים את ציציותיהם׃

ו׳

ואהבים את הסבת הראש בסעודות ואת מושבי הראש בבתי הכנסיות׃

ז׳

ואת שאלות שלומם בשוקים ואת אשר יקראו להם בני האדם רבי רבי׃