הַבְּשׂוֹרָה הַקְּדוֹשָׁה עַל־פִּי מַתַּי כ״א:ל״ז-מ״ג

ל״ז

ובאחרונה שלח אליהם את בנו באמרו מפני בני יגורו׃

ל״ח

ויהי כראות הכרמים את הבן ויאמרו איש אל אחיו זה הוא היורש לכו ונהרגהו ונאחזה בנחלתו׃

ל״ט

ויחזיקו בו וידחפוהו אל מחוץ לכרם ויהרגו אתו׃

מ׳

והנה כבוא בעל הכרם מה יעשה לכרמים ההם׃

מ״א

ויאמרו אליו ירע לרעים ויאבדם ואת הכרם יתן לכרמים אחרים אשר ישיבו לו את הפרי בעתו׃

מ״ב

ויאמר ישוע אליהם הכי קרא לא קראתם בכתובים אבן מאסו הבונים היתה לראש פנה מאת יהוה היתה זאת היא נפלאת בעינינו׃

מ״ג

על כן אני אמר לכם כי תקח מכם מלכות האלהים ותנתן לגוי אשר יעשה את פריה׃