TRV
מתיו כ״א:י״ח-כ״ב
י״ח
ובבקר שב אל העיר והוא רעב׃
י״ט
וירא תאנה אחת על הדרך ויקרב אליה ולא מצא בה מאומה מלבד העלים ויאמר אליה מעתה לא יהיה ממך פרי עד עולם ותיבש התאנה פתאם׃
כ׳
ויראו התלמידים ויתמהו לאמר איך יבשה התאנה פתאם׃
כ״א
ויען ישוע ויאמר אליהם אמן אמר אני לכם אם תהיה לכם אמונה ואינכם מסתפקים לא לבד כמעשה התאנה הזאת תעשו כי גם באמרכם אל ההר הזה הנשא והעתק אל תוך הים היו תהיה׃
כ״ב
וכל אשר תשאלו בתפלה ואתם מאמינים תקחהו׃
Settings