ישוע מרפא נער אחוז שד

י״ד

ויהי כבואו אל התלמידים וירא עם רב סביבותם וסופרים מתוכחים אתם׃

ט״ו

וכל העם כראותם אתו כן תמהו וירוצי אליו וישאלו לו לשלום׃

ט״ז

וישאל את הסופרים מה אתם מתוכחים עמהם׃

י״ז

ויען אחד מן העם ויאמר רבי הבאתי אליך את בני אשר רוח אלם בקרבו׃

י״ח

והיה בכל מקום אשר יאחזהו הוא מרצץ אתו וירד רירו וחרק את שניו ויבש גופו ואמר אל תלמידיך לגרשו ולא יכלו׃

י״ט

ויען ויאמר להם הוי דור בלתי מאמין עד מתי אהיה עמכם עד מתי אסבל אתכם הביאו אתו לפני׃

כ׳

ויביאהו לפניו ויהי כאשר ראהו הרוח וירוצצנו פתאם ויפל ארצה ויתגולל ויורד רירו׃

כ״א

וישאל את אביו כמה ימים היתה לו זאת ויאמר מימי נעוריו׃

כ״ב

ופעמים רבות הפיל אתו גם באש גם במים להאבידו אך אם יכל תוכל רחם עלינו ועזרנו׃

כ״ג

ויאמר אליו ישוע לאמר אם תוכל להאמין כל יוכל המאמין׃

כ״ד

ויתן אבי הילד את קלו בבכי ויאמר אני מאמין עזר נא לחסרון אמונתי׃

כ״ה

וירא ישוע את העם מתקבץ אליו ויגער ברוח הטמא לאמר רוח אלם וחרש אני מצוך צא ממנו ואל תסף לבוא בו עוד׃

כ״ו

ויצעק וירצץ אתו מאד ויצא ויהי כמת עד אשר אמרו רבים כי גוע׃

כ״ז

ויחזק ישוע בידו ויניעהו ויקם׃

כ״ח

ויהי כאשר בא הביתה וישאלהו תלמידיו בהיותם לבדם אתו מדוע אנחנו לא יכלנו לגרשו׃

כ״ט

ויאמר אליהם המין הזה יצא לא יצא כי אם בתפלה ובצום׃