ריפוי האיש החירש והאילם

סנט מארק ז׳:ל״א-ל״ז

ל״א

וישב ויצא מגבול צור וצידון ויבא אל ים הגליל בתוך גבול עשר הערים׃

ל״ב

ויביאו אליו איש אשר היה חרש ואלם ויתחננו לו לשום עליו את ידו׃

ל״ג

ויקח אתו לבדו מקרב ההמון וישם את אצבעותיו באזניו וירק ויגע על לשנו׃

ל״ד

ויבט השמימה ויאנח ויאמר אליו אפתח ופרושו הפתח׃

ל״ה

וברגע נפתחו אזניו ויתר קשר לשונו וידבר בשפה ברורה׃

ל״ו

ויזהר אותם כי לא יספרו לאיש וכאשר יזהירם כן ירבו להכריז׃

ל״ז

וישתוממו עד מאד ויאמרו את הכל עשה יפה גם החרשים הוא עשה לשמעים גם האלמים למדברים׃