TRV
סנט מארק י״ג:כ״ח-ל״ז
כ״ח
למדו נא את משל התאנה כשירטב ענפה ופרח עלה ידעתם כי קרוב הקיץ׃
כ״ט
כן אף אתם בראתכם כי היו כל אלה דעו כי קרוב הוא לפתח׃
ל׳
אמן אמר אני לכם לא יעבר הדור הזה עד אשר יהיו כל אלה׃
ל״א
השמים והארץ יעברו ודברי לא יעברון׃
ל״ב
אך עת בוא היום ההוא והשעה ההיא אין איש יודע אותה גם לא מלאכי השמים גם לא הבן מבלעדי האב׃
ל״ג
ראו שקדו והתפללו כי לא ידעתם מתי תהיה העת׃
ל״ד
והיה כאיש הולך למרחק אשר עזב את ביתו ויתן שלטן לעבדיו ולאיש איש את מלאכתו וגם את השוער צוה לשקד׃
ל״ה
לכן שקדו כי לא ידעתם מתי יבוא בעל הבית אם לעת ערב או בחצות הלילה אם בעת קריאת הגבר או בבקר׃
ל״ו
פן יבוא פתאם ומצא אתכם ישנים׃
ל״ז
ואת אשר אמרתי לכם אמר אני לכל שקדו׃
Settings