הבְּשׂוֹרָה הַקְּדוֹשָׁה עַל־פִּי לוּקָס ח׳:ל״ד-ל״ט

ל״ד

וינוסו הרעים כראותם את אשר נעשה ויגידו הדבר בעיר ובכפרים׃

ל״ה

ויצאו לראת את אשר נעשה ויבאו אל ישוע וימצאו שם את האדם אשר יצאו ממנו השדים ישב לרגלי ישוע מלבש וטוב שכל וייראו׃

ל״ו

ויספרו להם הראים איך נרפא אחוז השדים׃

ל״ז

ויבקשו ממנו כל המון חבל הגדריים ללכת מאתם כי אימה גדולה נפלה עליהם וירד אל האניה וישב׃

ל״ח

ויבקש ממנו האיש אשר יצאו ממנו השדים לשבת אתו וישלח אתו ישוע באמרו׃

ל״ט

שוב לביתך וספר הגדלות אשר עשה לך האלהים וילך לו וישמע בכל העיר את הגדלות אשר עשה לו ישוע׃