ריפוי האיש שידו יבשה

הבְּשׂוֹרָה הַקְּדוֹשָׁה עַל־פִּי לוּקָס ו׳:ו׳-י״א

ו׳

ויהי בשבת אחרת בא אל בית הכנסת וילמד ושם איש אשר יבשה ידו הימנית׃

ז׳

ויארבו לו הסופרים והפרושים לראות אם ירפא בשבת למען ימצאו עליו שטנה׃

ח׳

והוא ידע את מחשבותם ויאמר אל האיש אשר ידו יבשה קום ועמוד בתוך ויקם ויעמד׃

ט׳

ויאמר אליהם ישוע אשאלה אתכם דבר הנכון בשבת להיטיב אם להרע להציל נפש אם לאבד׃

י׳

ויבט סביב אל כלם ויאמר לאיש פשט את ידך ויעש כן ותרפא ידו ותשב כאחרת׃

י״א

והמה נמלאו חמה ויוסדו יחד מה לעשות לישוע׃