ישוע נראה לתלמידים

ל״ו

עודם מדברים כדברים האלה והוא ישוע עמד בתוכם ויאמר אליהם שלום לכם׃

ל״ז

והמה חתו ונבעתו ויחשבו כי רוח ראו׃

ל״ח

ויאמר אליהם מה זה אתם נבהלים ועל מה זה מחשבות עלות בלבבכם׃

ל״ט

ראו את ידי ואת רגלי כי אנכי הוא משוני וראו כי רוח אין לו בשר ועצמות כאשר אתם ראים שיש לי׃

מ׳

ואחרי אמרו את זאת הראה אתם את ידיו ואת רגליו׃

מ״א

והם עוד לא האמינו משמחה ותמהו ויאמר אליהם היש לכם פה דבר אכל׃

מ״ב

ויתנו לפניו חלק דג צלוי ומעט צוף דבש׃

מ״ג

ויקח ויאכל לעיניהם׃

מ״ד

ויאמר אליהם אלה הם הדברים אשר דברתי אליכם בעוד היותי עמכם כי המלא ימלא כל הכתוב עלי בתורת משה ובנביאים ובתהלים׃

מ״ה

אז פתח את לבבם להבין את הכתובים׃

מ״ו

ויאמר אליהם כן כתוב וכן נגזר אשר יענה המשיח ויקום מן המתים ביום השלישי׃

מ״ז

ואשר תקרא בשמו תשובה וסליחת החטאים בכל הגוים החל מירושלים׃

מ״ח

ואתם עדים בזאת׃

מ״ט

והנני שולח עליכם את הבטחת אבי ואתם שבו בעיר ירושלים עד כי תלבשו עז ממרום׃