הבְּשׂוֹרָה הַקְּדוֹשָׁה עַל־פִּי לוּקָס י״ד:א׳-י״א

א׳

¶ ויהי בבאו בשבת אל בית אחד מראשי הפרושים לאכל לחם והמה ארבים לו׃

ב׳

והנה איש אחד לפניו אשר גופו צבה ממים׃

ג׳

ויען ישוע ויאמר אל בעלי התורה ואל הפרושים לאמר המתר לרפא בשבת אם לא ויחרישו׃

ד׳

ויאחז בו וירפאהו וישלחהו׃

ה׳

ויען ויאמר אליהם מי מכם אשר חמרו או שורו יפול אל הבאר ולא ימהר להעלותו ביום השבת׃

ו׳

ולא יכלו להשיב על זאת דבר׃

ז׳

וישא משלו אל הקרואים בראותו איך בחרו להם להסב בראש ויאמר אליהם׃

ח׳

כי יקרא אתך איש אל החתנה אל תסב בראש פן יקרא שמה איש נכבד ממך׃

ט׳

ובא הקרא אותך ואותו ואמר אליך פנה מקום לזה ואז תקום בכלמה לקחת את המקום האחרון׃

י׳

אבל כי תקרא לך והסב במקום האחרון למען יבא הקרא אתך ואמר אליך אהובי עלה למעלה מזה והיה לך כבוד לפני המסבים עמך׃

י״א

כי כל המרומם את עצמו ישפל והמשפיל את עצמו ירומם׃