ריפוי בשבת

הבְּשׂוֹרָה הַקְּדוֹשָׁה עַל־פִּי לוּקָס י״ג:י׳-י״ז

י׳

ויהי הוא מלמד בשבת באחד מבתי הכנסיות׃

י״א

והנה אשה טעונת רוח חלי כשמנה עשרה שנה ותהי כפופה ולא יכלה לקום קומה זקופה׃

י״ב

ויהי בראות אתה ישוע ויקרא אליה ויאמר לה אשה החלצי מחליך׃

י״ג

וישם את ידיו עליה וכרגע קמה ותתעודד ותשבח את האלהים׃

י״ד

ויכעס ראש הכנסת על אשר רפא ישוע בשבת ויען ויאמר אל העם ששת ימים הם אשר תעשה בהם מלאכה לכן באלה באו והרפאו ולא ביום השבת׃

ט״ו

ויען האדון ויאמר אליו החנף איש איש מכם הלא יתיר בשבת את שורו או את חמרו מן האבוס ויוליכהו להשקתו׃

ט״ז

וזאת אשר היא בת אברהם ואשר השטן אסרה זה שמנה עשרה שנה הלא תתר ממוסרותיה ביום השבת׃

י״ז

ויהי כאמרו את הדברים האלה נכלמו כל מתקוממיו וישמח כל העם על כל הנפלאות הנעשות על ידו׃