מנוח מבקש הוראות נוספות

שֹׁפְטִים י״ג:ח׳-י״ד

ח׳

ויעתר מנוח אל יהוה ויאמר בי אדוני איש האלהים אשר שלחת יבוא נא עוד אלינו ויורנו מה נעשה לנער היולד׃

ט׳

וישמע האלהים בקול מנוח ויבא מלאך האלהים עוד אל האשה והיא יושבת בשדה ומנוח אישה אין עמה׃

י׳

ותמהר האשה ותרץ ותגד לאישה ותאמר אליו הנה נראה אלי האיש אשר בא ביום אלי׃

י״א

ויקם וילך מנוח אחרי אשתו ויבא אל האיש ויאמר לו האתה האיש אשר דברת אל האשה ויאמר אני׃

י״ב

ויאמר מנוח עתה יבא דבריך מה יהיה משפט הנער ומעשהו׃

י״ג

ויאמר מלאך יהוה אל מנוח מכל אשר אמרתי אל האשה תשמר׃

י״ד

מכל אשר יצא מגפן היין לא תאכל ויין ושכר אל תשת וכל טמאה אל תאכל כל אשר צויתיה תשמר׃