חִדּוּשׁ הַבְּרִית: הַמִּילָה בַּגִּלְגָּל

יְהוֹשֻעַ ה׳:ב׳-ט׳

ב׳

בעת ההיא אמר יהוה אל יהושע עשה לך חרבות צרים ושוב מל את בני ישראל שנית׃

ג׳

ויעש לו יהושע חרבות צרים וימל את בני ישראל אל גבעת הערלות׃

ד׳

וזה הדבר אשר מל יהושע כל העם היצא ממצרים הזכרים כל אנשי המלחמה מתו במדבר בדרך בצאתם ממצרים׃

ה׳

כי מלים היו כל העם היצאים וכל העם הילדים במדבר בדרך בצאתם ממצרים לא מלו׃

ו׳

כי ארבעים שנה הלכו בני ישראל במדבר עד תם כל הגוי אנשי המלחמה היצאים ממצרים אשר לא שמעו בקול יהוה אשר נשבע יהוה להם לבלתי הראותם את הארץ אשר נשבע יהוה לאבותם לתת לנו ארץ זבת חלב ודבש׃

ז׳

ואת בניהם הקים תחתם אתם מל יהושע כי ערלים היו כי לא מלו אותם בדרך׃

ח׳

ויהי כאשר תמו כל הגוי להמול וישבו תחתם במחנה עד חיותם׃

ט׳

ויאמר יהוה אל יהושע היום גלותי את חרפת מצרים מעליכם ויקרא שם המקום ההוא גלגל עד היום הזה׃

חִדּוּשׁ הַבְּרִית: הַמִּילָה בַּגִּלְגָּל

Reading Style

Typeface

Font Size 19px

Reading Width 45 chars

Options