הַמַּצֵּבָה בַּגִּלְגָּל

יְהוֹשֻעַ ד׳:י״ט-כ״ד

י״ט

והעם עלו מן הירדן בעשור לחדש הראשון ויחנו בגלגל בקצה מזרח יריחו׃

כ׳

ואת שתים עשרה האבנים האלה אשר לקחו מן הירדן הקים יהושע בגלגל׃

כ״א

ויאמר אל בני ישראל לאמר אשר ישאלון בניכם מחר את אבותם לאמר מה האבנים האלה׃

כ״ב

והודעתם את בניכם לאמר ביבשה עבר ישראל את הירדן הזה׃

כ״ג

אשר הוביש יהוה אלהיכם את מי הירדן מפניכם עד עברכם כאשר עשה יהוה אלהיכם לים סוף אשר הוביש מפנינו עד עברנו׃

כ״ד

למען דעת כל עמי הארץ את יד יהוה כי חזקה היא למען יראתם את יהוה אלהיכם כל הימים׃