שבועת העם ואזהרת יהושע

יְהוֹשֻעַ כ״ד:י״ט-כ״ד

י״ט

ויאמר יהושע אל העם לא תוכלו לעבד את יהוה כי אלהים קדשים הוא אל קנוא הוא לא ישא לפשעכם ולחטאותיכם׃

כ׳

כי תעזבו את יהוה ועבדתם אלהי נכר ושב והרע לכם וכלה אתכם אחרי אשר היטיב לכם׃

כ״א

ויאמר העם אל יהושע לא כי את יהוה נעבד׃

כ״ב

ויאמר יהושע אל העם עדים אתם בכם כי אתם בחרתם לכם את יהוה לעבד אותו ויאמרו עדים׃

כ״ג

ועתה הסירו את אלהי הנכר אשר בקרבכם והטו את לבבכם אל יהוה אלהי ישראל׃

כ״ד

ויאמרו העם אל יהושע את יהוה אלהינו נעבד ובקולו נשמע׃