הַבְּשׂוֹרָה הַקְּדוֹשָׁה עַל־פִּי יוֹחָנָן ו׳:ס״ג-ע״א

ס״ג

הרוח הוא הנתן חיים והבשר אין בו מועיל הדברים אשר אני דברתי אליכם רוח המה וחיים המה׃

ס״ד

אך יש מכם אשר לא יאמינו כי ישוע ידע מראש מי הם אשר אינם מאמינים ומי המוסר אתו׃

ס״ה

ויאמר על כן אמרתי לכם כי לא יוכל איש לבוא אלי בלתי אם נתן לו מאת אבי׃

ס״ו

מן העת הזאת רבים מתלמידיו נסגו אחור ולא יספו להתהלך אתו׃

ס״ז

ויאמר ישוע אל שנים העשר היש את נפשכם גם אתם לסור ממני׃

ס״ח

ויען אתו שמעון פטרוס אדני אל מי נלך דברי חיי עולמים עמך׃

ס״ט

ואנחנו האמנו ונדע כי אתה המשיח בן אל חי׃

ע׳

ויען אתם ישוע הלא בחרתי אני בכם שנים העשר ואחד מכם שטן הוא׃

ע״א

זאת אמר על יהודה בן שמעון איש קריות כי עתיד היה למסרו והוא אחד משנים העשר׃