אִיּוֹב י״ג:א׳-י״ב

א׳

¶ הן כל ראתה עיני שמעה אזני ותבן לה׃

ב׳

כדעתכם ידעתי גם אני לא נפל אנכי מכם׃

ג׳

אולם אני אל שדי אדבר והוכח אל אל אחפץ׃

ד׳

ואולם אתם טפלי שקר רפאי אלל כלכם׃

ה׳

מי יתן החרש תחרישון ותהי לכם לחכמה׃

ו׳

שמעו נא תוכחתי ורבות שפתי הקשיבו׃

ז׳

הלאל תדברו עולה ולו תדברו רמיה׃

ח׳

הפניו תשאון אם לאל תריבון׃

ט׳

הטוב כי יחקר אתכם אם כהתל באנוש תהתלו בו׃

י׳

הוכח יוכיח אתכם אם בסתר פנים תשאון׃

י״א

הלא שאתו תבעת אתכם ופחדו יפל עליכם׃

י״ב

זכרניכם משלי אפר לגבי חמר גביכם׃